4×4 Namibië

Die massiewe duine van hierdie ongerepte wildernis is tot 300 meter hoog, om jou 4×4-vernuf tot die uiterste te beproef. Ons reis neem ons deur vergete spookdorpe diep weggesteek in die woestyn waar alles oornag net so agtergelaat is. Die sogenaamde Sperrgebiet het al baie slagoffers geëis weens die ongenaakbare woestyntoestande en eensame afgesonderdheid ver weg van die samelewing.

Later maak die duine oop teen die see en ons ry kuslangs verby skeepswrakke vanuit ‘n vergete era.

Met spesiale permitte gaan ons ernstig 4×4 ry deur plekke wat slegs vir uitverkore avonturiers bestem is, en jy gaan selfs die geleentheid kry om ‘n knewel van ‘n kabeljou of galjoen uit die see te trek. Pak jou 4×4 en kom reis saam met ons vanaf Aus met sy woestynperde, deur die duine van die Namibwoestyn, na Walvisbaai op een van die grootste avonture van jou lewe. Daar wag 600 kilometer se pure duineplesier…